Goli që ndryshoi historinë e futbollit
1 maji i vitit 2005 ishte data kur bota e futbollit ndryshoi.
Barcelona po lunate kundër Albacetes – në një ndeshje kampionale të La Ligës.
Qendërsulmuesi katalunasve, Samuel Eto’o u largua nga fusha e gjelbër në minutat e fundit të takimit. Teksa, në vend të tij u inkuadrua një djalosh nga Argjentina, me numrin 30 në fanelë, i shkurtër, me flokë të gjata.
E quanin Lionel Messi. Pas një magjie – nga gjeniu i kohës, Ronaldinho Gaucho, Messi u gjend i vetëm me portier, të cilin e mposhti me plot klas – me të majtën e tij nagjike.
Ai ishte goli i tij i parë me Barcelonën – dhe fillimi i një epoke të gjatë e të suksesshme.
17 vjet më pas, ai është një idoll për shumë fansa të botës së futbollit, ndërsa jo pak njerëz mendojnë se ai është futbollisti më i mirë i të gjitha kohërave.
Me 34 vite në supe, ai ka fituar të gjitha trofetë e mundshëm në nivel klubi, ndërsa me kombëtare – në vitin 2020 e pati gëzimin e parë, pasi e fitoi “Copa America”.
Argjentinasi, që tashmë është pjesë e PSG-së, është një “makineri” golash dhe asistimeve dhe këtë më së miri e tregojnë statsitikat.
Gjatë periudhës 18 vjeçare sa qëndroi në Barcelonë, në emrin e tij vulosi rekorde të shumta.
Në 520 ndeshje të zhvilluara në La Liga, Leo shënoi 473 gola, duke u bërë golashënuesi më i mirë në historinë e kësaj lige.
“Pleshti” me kalimin e viteve ishte shndërruar në një “playmaker” të lojës së katalunasve, dhe ka regjistruar 214 asistime. Duke u bërë kështu, asistuesi më i mirë në historinë e futbollit elitar në Spanjë.
Ani pse Ligën e Kampionëve nuk e ka fituar që nga viti 2015, numrat e argjentinasit në atë kompeticion janë astronomik
Në 152 paraqitje të regjistruara, ai e ka gjetur rrugën për te goli 123 herë dhe asistuar 41 herë. Ndërsa, përkundër presionit të madh, Leo asnjëherë nuk është ndëshkuar me karton të kuq në këtë kompeticion.
Sezonën e re, ai e nisi në Paris, duke u “divorcuar” me Barcelonën, pas gati dy dekadave, por ende ka shumëçka që të dhurojë në fushën e gjelbër.
Titujt ekipor të Leo Messit – si profesionist:
Katër herë fitues i Ligës së Kampionëve.
Dhjetë herë fitues i La Ligës.
Shtatë herë fitues i Kupës së Spanjës.
Tetë herë fitues i Superkupës së Spanjës.
Tre herë fitues i Kupës së Botës për klube.
Tre herë fitues i Superkupës Evropiane.
Një herë fitues i Kupës së Amerikës.
Disa nga çmimet ndividuale të Leo Messit – si profesionist:
Gjashtë herë fitues i Topit të Artë ( më së shumti në historinë e futbollit).
Gjashtë herë fitues i Këpucës së Artë ( më së shumti në histori të futbollit).
Tre herë fitues i çmimit “Futbollisti më i mirë në Evropë”.
Dhjetë herë fitues i çmimit “Futbollisti më i mirë në La Liga”.
Një herë fitues i çmimit “Futbollsiti më i mirë i Kupës së Botës”.
Dy herë i shpallur “MVP” i Kupës së Amerikës.
Një herë i shpallur “Futbollisti i vitit nga Uefa”.
Gjashtë herë i shpallur top golashënues i Ligës së Kampionëve.
Shtatë herë fitues i “Pichichi” – golashënuesi më i mirë në La Liga.
Gjashtë herë i shpallur “Lojtari i vitit” në La Liga.
Tre herë fitues i çmimit “Goli i vitit” nga UEFA. /Shqip.com