Gjilani i drejtohet UEFA-s, pas fyerjeve raciste në drejtim të Elton Cale
Shqip
Sipas klubit të futbollit Gjilani, në drejtim të lojtarit të tyre brazilian, Elton Cale ka pasur fyeje raciste.
Gjilani e ka konfirmuar se ata tashmë e kanë njoftuar edhe UEFA-n për ngjarjen.
Drenica e Gjilani janë takuar javën e kaluar në kuadër të javës së tretë të Superligës së Kosovës në futboll dhe dyshohet se Cale u ofendua nga Shkëlzen Lushtaku.
“Klubi ka reaguar menjëherë duke lajmëruar zyrtarin e ndeshjes, ztr. Agim Hasanin, gjyqtarin e katërt Isak Ceroviku dhe gjyqtarin kryesor Alban Shala. Po ashtu, edhe pas përfundimit të ndeshjes janë lajmëruar organet gjegjëse në Federatën e Futbollit të Kosovës. Të njoftuar tashmë janë edhe shoqata për Mbrojtjen e të Drejtave të Futbollistëve, si dhe Komisioni i Etikës pranë UEFA-së, pasi që konsiderojmë se këto fyerje dhe sjellje në drejtim të futbollistit Cale nuk duhet të kalojnë pa u ndëshkuar, e në rastin më të vogël pa reaguar”, thuhet në njoftim.
Gjilani ka publikuar edhe një video të rastit në fjalë./Shqip.com
