Gjiganti gjerman i thotë lamtumirë edhe një modeli

Mercedes-Benz ka konfirmuar se prodhimi i modelit CLS, do të përfundojë më 31 gusht.

Konkurrenti i Audi A7 Sportback tashmë është tërhequr nga shitja në shumë tregje, derisa përfaqësues të shitjeve kanë thënë se tashmë kanë ndërprerë marrjen e porosive dhe klientët po i drejtojnë tek modeli E-Class (ë214) i prezantuar së fundmi.

Ndërprerja e menjëhershme e modelit CLS nuk do të ishte befasi, pasi raportet e shumta në muajt e fundit kanë spekuluar se prodhuesi gjerman po e bënë gati nisjen e shitjeve të modelit E-Class.

CLS iu bashkohet modeleve SLC, S-Class Coupe, S-Class Convertible dhe AMG GT Convertible, të cilat tashmë janë larguar nga prodhimi.

Por, prodhuesi gjerman nuk do të ndalet.

Ai ka planifikuar prezantimin e modeleve të reja.

Tashmë modeli SUV Maybach EQS është bërë publik dhe do të pasohet nga një roadster SL që mban të njëjtën logo të dyfishtë M.

Makinat ultra-ekskluzive pjesë e “MYTHOS Series” po vijnë, si dhe një model EQG plotësisht elektrik.

Një platformë elektrike AMG.EA e përshtatur për makinat sportive, do të vendoset në vitin 2025 pasi të shikohet paraprakisht nga koncepti AMG Vision.