Gjendet i vdekur një shqiptar në një plantacion marijuane në Spanjë

Policia spanjolle, Mossos d’Esquadra po hetojnë rastin e vdekjes së një burri këtë të shtunë në një plantacioni marihuane në Mont-roig del Camp, në Baix Camp.

Policia beson se burri ishte një punonjës plantacioni, ai u gjet me një tub gazi të lidhur me gojën e tij dhe në një pellg gjaku.

Në mungesë të autopsisë dhe duke pasur parasysh se nuk ka shfaqur shenja të dukshme dhune, policia e trajton si një vetëvrasje, por provat mjeko-ligjore do të jenë kyçe për të sqaruar nëse ka diçka tjetër.

Burri me kombësi shqiptare ende nuk është identifikuar 100%, por policia beson se ai ishte përgjegjës për plantacionin e marijuanës që ndodhej në këtë shtëpi në Casalot Park, pranë Mont-roig del Camp.

Agjentë të Mossos d’Esquadra, ambulanca të Sistemit të Emergjencave Mjekësore (SEM) dhe gjithashtu Zjarrfikësit, shkuan në rrugën Secalló, pasi morën njoftimin.

Në këtë pikë dhe duke qenë se është trajtuar si vetëvrasje, hetimi është kryer nga Njësia Hetimore e Komisariatit të Policisë Reus, në pritje të provave mjeko-ligjore, raporton Elcaso.