Gega thyen rekordin e Shqipërisë në gjysmë maratonë
Publikuar:
(23.10.2022 16:13:21)
Luiza Gega ka arritur që të marrë vendin e parë në gjysmë maratonën që po zhvillohet në Tiranë.
Kampionia evropiane ka arritur që për 70 minuta dhe 18 sekonda të kalojë 21 kilometra.
Kjo do të thotë që atletja e ka thyer rekordin e Shqipërisë, i cili ishte 70 minuta dhe 50 sekonda.
Gega u shpreh shumë e emocionuar pas kësaj gare.
“Nuk e prisja. Është kënaqësi dhe krenari të vrapoj në vendin tim”, tha Gega, shkruan Top-Channel.
Ky është edicioni i gjashtë i kësaj gjysmë maratone, ku morën pjesë 2500 vrapues.
/Shqip.com
