Gdhendje shkëmbi 2700-vjeçare u zbuluan në Irak

Arkeologët në Irak zbuluan një grup gdhendjesh shkëmbore 2700-vjeçare ndërsa po punonin për të restauruar Portën Mashki në Mosul.

Porta Mashki ishte një nga strukturat ikonike të lidhura me Ninevinë, kryeqytetin e perandorisë asiriane.

Sipas zyrtarëve tetë gdhendjet e mermerit datojnë në kohën e mbretit Senakeribi, i cili sundoi nga viti 705 pes deri në vitin 681 pes.

Fadel Mohammed Khodr, një arkeolog që ndihmoi në gjetjen e këtyre veprave, i tha Al Jazeera se gdhendjet mund të jenë hequr nga pallati i mbretit dhe janë përdorur në ndërtimin e portës nga nipi i tij.

Gdhendjet nuk kanë qenë gjithmonë plotësisht të dukshme, për shkak të mënyrës se si ishin përdorur në krijimin e portës. Ndërtuesit e tij duket se i kanë zhytur pjesërisht gdhendjet në tokë dhe në një moment, pjesa që mbeti lart humbi.

“Vetëm pjesa e varrosur nën tokë ka ruajtur gdhendjet e saj,” tha Khodr.

Kjo është përpjekja e fundit për restaurimin e Portës Mashki, pas një të tillë të ndërmarrë gjatë viteve 1970. Në vitin 2016, porta u shkatërrua nga ISIL .