Gardiani shqiptar debuton në Bundesliga

Edhe një shqiptar në Bundesliga.

Diant Ramaj është vetëm 20 vjeçar, por sot e ka bërë debutimin e tij në elitën e futbollit gjerman.

Ramaj – që është pjesë e Eintracht Frankfurtit, ka mbrojtur portën e kësaj skuadre për plot 90 minuta.

Ai pati disa intervenime mjaftë të mira, teksa pranoi një gol, në këtë ndeshje që përfundoi me barazim 1-1.

Dianti, paraprakisht kishte qenë pjesë e ‘1. FC Heidenheim 1846’, përpara se t’i bashkohej Frankfurtit.

Ai po konsiderohet si një portier me potencial të madh për të ardhmen, teksa ka mbrojtur  edhe ngjyrat e kombëtares gjermane në grupmoshat U-20.

Gjatësia e tij prej 1.89 centimetra, e bën që të jetë mjaftë i sigurtë në lojën në ajër, një element tejet pozitiv për rolin e tij.

Sipas Transfermarket, vlera e Diantit në tregun e transferimeve është 250 mijë euro.

Fakti që ai ende nuk ka zhvilluar asnjë ndeshje me kombëtaren A të Gjermanisë – e lejon që të luajë për Përfaqësuesen e Kosovës.

Teksa, mbetet të shihet nëse FFK-ja do t’i bëjë ftesë që t’i bashkohet Dardanëve./Shqip.com