FSK-ja publikon pamjet e operacionit në Liqenin e Badovcit, ku u gjet i pajetë një person
Publikuar:
(19.04.2023 15:13:43)
Forca e Sigurisë së Kosovës ka publikuar në llogarinë e saj zyrtare në Facebook, disa pamje gjatë operacionit të së mërkurës për kërkim shpëtimin e një personi, i cili u gjet i pajetë.
Sipas njoftimit, trupi i viktimës u gjet në zonën e Liqenit të Badocit – pas disa orësh kërkimi.
“Pas ftesës së Qendrës së Situatave të Qeverisë së Republikës së Kosovës, për angazhimin e Ekipeve të FSK-së, për operacionin e kërkim shpëtimit malor dhe K9 të Gardës Kombëtare të FSK-së”, thuhet në njoftimin për media.
Tutje, bëhet e ditur se pas evakuimit të viktimës trupi i pajetë është dorëzuar Policisë së Kosovës dhe ekipit të forenzikës për procedurat e mëtejme.
/Shqip.com