Franca qëndron me Kosovën për reformat e nevojshme drejt integrimit evropian

“Franca qëndron me Kosovën për të implementuar reformat e nevojshme për rrugën e integrimit evropian”.

Kështu është bërë e ditur në një postim në Twitter të Ambasadës së Francës në Kosovë.

Ndërsa, Ambasadori i Gjermanisë në Kosovë, Jorn Rohde, ka ripërsëritur se “Gjermania vazhdon të jetë partnere e palëkundur në rrugën e Kosovës drejt integrimit në BE”.

Këto deklarime vijnë pasi Bashkimi Evropian ka dorëzuar Raportin e Progresit për Kosovën te liderët e Kosovës.

Raporti që ka gjetur shumë ngecje në Kosovë ndër tjera flet edhe për normalizimin e marrëdhënieve mes Kosovës e Serbisë. Bëhet thirrje që Kosova të angazhohet në mënyrë më konstruktive në dialog dhe po ashtu të bëjë përpjekje për implementimin e gjitha marrëveshjeve të kaluara që janë nënshkruar. /Shqip.com