FOTO / Protestuesit sulmojnë pikturën e Mona Lizës me supë

Protestuesit kanë hedhur supë në pikturën e Mona Lizës në Paris.

Piktura e shekullit të 16-të nga Leonardo da Vinci është një nga veprat më të famshme të artit në botë dhe mbahet në Luvër. Piktura qëndron pas xhamit antiplumb, kështu që fatmirësisht nuk është dëmtuar.

Në një video shihen dy protestues që kërkonin të drejtën për “ushqim të shëndetshëm dhe të qëndrueshëm”, duke thënë se “sistemi bujqësor është i dëmtuar”.

Mona Lisa është ruajtur me xham sigurie që nga fillimi i viteve 1950, kur u dëmtua nga një vizitor që hodhi acid mbi të.

Në vitin 2019, muzeu tha se kishte instaluar një formë më transparente xhami antiplumb për ta mbrojtur.

Në vitin 2022, një aktivist hodhi tortë në pikturë, duke u bërë thirrje njerëzve që të “mendonin për Tokën”.