Fitore e “njelmët” e Ballkanit
Shqip
Ballkani ka triumfuar ndaj Klasksvik – me rezultat 3-2 – në kuadër të Europa Conference League.
Por, fundi i ndeshjes la shije të hidhur.
Golin e parë në këtë takim. e realizoi – Nazmi Gripshi – pas gjysmë ore lojë.
Teksa, në rolin e asituesit ishte Lumbardh Dellova.
Ndërsa, për golin e dytë u përkujdes Meriton Korenica.
Mesfushori me tipare sulmues e lansoi një predhë të majtën – duke e lënë kundërshtarin pa gjasa – kur po zhvillohej minuta e 41-të.
Për 3-0 u përkujdes Albion Rrahmani – në minutën e 50-të.
Por, mysafirët nuk u dorëzuan.
Klettskard – e tundi rrjetën në minutën e 69-të për ta kthyer skuadrën e tij në lojë.
Ndërsa, dy minuta para se ndeshja të përfundonte – i njëjti futbollist shënoi edhe një herë për 3-2.
Me këtë rezultat – gjithçka mbetet e hapur për ndeshjen e kthimit, e cila do të zhvillohet pas një jave.
Klaksvik e mbylli takimin me dhjetë futbollistë – sepse Odmar Faero u ndëshkua me karton të kuq./Shqip.com
