Firmino mund të luajë në klubin më të madh në botë pas largimit nga Liverpool

Drejtuesit e Real Madridit po diskutojnë për emrin e Roberto Firminos si një përforcim i mundshëm për sezonin e ardhshëm, raporton Fabrizio Romano.

Ai thekson se negociatat zyrtare mes dy palëve nuk janë zhvilluar ende, por për Firminon ka vetëm interes të brendshëm.

Eksperti i merkatos gjithashtu shton se braziliani është një nga katër ose pesë emrat e përmendur në Real dhe se ata janë lloje të ndryshme lojtarësh.

Firmino, ju kujtojmë, do të jetë lojtar i lirë nga 1 korriku dhe mund të zgjedhë një klub të ri ku do të luajë, duke qenë se nuk duhet të paguhen para për shërbimet e tij.

Reali pothuajse me siguri do të sjellë një sulmues të ri gjatë merkatos së verës, pasi Benzema praktikisht e ka kryer vetëm gjithë sezonin dhe ata nuk duan ta përsërisin më një gabim të tillë.

Braziliani vendosi që pas tetë vitesh të ishte koha për një ndryshim dhe një mjedis të ri në të cilin do të luante, teksa kishte mbërritur në Liverpool në vitin 2015 dhe fitoi Champions League me këtë ekip dhe u bë kampion i Anglisë.

Megjithatë, shkuarja në Madrid do të ishte kurorëzimi i karrierës së tij, pavarësisht se nuk do të kishte rolin që kishte në ditët e tij më të mira te Liverpool.

Firmino luajti gjithsej 361 ndeshje për Liverpoolin, duke shënuar 110 gola dhe duke dhuruar 79 asistime.