FIFA merr vendimin ekstrem, pezullon Federatën e Futbollit të Sri Lankës pas ndërhyrjes së Qeverisë në zgjedhje

Shtëpia më e madhe e futbollit në botë, FIFA vendos të pezullojë Federatën e Futbollit të Sri Lankës pasi në zgjedhjet për Komitetin Ekzekutiv është vënë re një ndërhyrje nga ana e qeverisë.

Byroja e Këshillit të FIFA-s, bën të ditur se vendimi për pezullimin e Federatës së Sri Lankës hyn menjëherë në fuqi teksa në zgjedhjet e datës 14 janar 2023 u vërejt ndërhyrja e qeverisë që shkon kundër statutit të FIFA-s.

Ndërkohë, FIFA bën të ditur edhe kushtet për heqjen e vendimit ekstrem ndërsa theksohet se duhet të plotësohen disa kritere teksa fillimisht duhet që zgjedhjet të cilësohen të pavlefshme dhe më pas të nisë puna për t’i përsëritur ato.

Ndërkohë në vijim, zgjedhjet e reja duhet që me patjetër të realizohen sipas statusit të Federatës së Futbollit të Sri Lankës me votën që duhet të jetë e fshehtë ndërsa mandati duhet të jetë i vlefshëm për një periudhë katërvjeçare.