Festivali i filmit “ODA” në Tetovë ndan çmimet, kryesojnë filmat shqiptarë
Festivali i Filmit Ndërkombëtar i Tetovës “ODA”, ka ndarë çmimet për edicionin e 11-të.
Festivali ndau çmimet për filmin më të mirë me metrazhë të gjatë, me metrazhë të shkurtë, filmi më i mirë i animuar, dokumentari më i mirë si dhe aktori/aktorja më e mirë.
Në mesin e shumë filmave, filmat me prodhim nga Kosova kryesuan listat.
Filmi më i mirë i metrazhit të gjatë, ishte filmi “Vera Andrron Detin”, me regji të Kaltrina Krasniqit, e që është bashkëprodhim i Kosovës, Shqipërisë e Maqedonisë së Veriut.
Çmimi skenari më i mirë ju nda filmit “Në kërkim të Venerës, që është po ashtu bashkëprodhim i Kosovës dhe Maqedonisë së Veriut.
Ndërkaq, çmimin aktorja më e mirë e mori aktorja Teuta Ajdini Jegeni nga filmi “Vera Andrron Detin”.
Kurse, çmimi aktori më i mirë ishte për Refet Abazin, gjithashtu nga “Vera Andrron Detin”./Shqip.com