Fero dorëzohet në polici

Reperi nga Gjilani, Fero është dorëzuar në polici pasi gjatë ditës dyshohet se ka sulmuar producentin, Jetmir Agaj.

Lajmin e ka konfirmuar për Gazetën Online Shqip.com, zëdhënësi i policisë për rajonin e Prishtinës, Agron Borovci.

“Së këndejmi rreth orës 20:30, të dyshuarit janë paraqitur në stacionin policor dhe policia po vijon me ndërmarrjen e veprimeve të mëtejme në koordinim me prokurorin e shtetit për të proceduar tutje”.

“Nga të dhënat fillestare është ​ngritur dyshimi se dy të dyshuar, ku njëri nga ta dyshohet të ketë pasur dhe një armë, kanë sulmuar viktimën dhe më pas janë larguar nga vendi i ngjarjes” ka thënë ai.

Borovci ka deklaruar se policia po vijon me ndërmarrjen e veprimeve të mëtejme në koordinim me prokurorin e shtetit për të proceduar tutje.

Agaj është sulmuar me armë nga reperi, Fero në studion e tij të premten.

Ai në një prononcim për SHQIP.com ka thënë se ngjarja ka ndodhur për shkak se kishte refuzuar të bashkëpunonte me reperin gjilanas./SHQIP.com