Ferizaj: Një nënë ankohet në Polici, ish-dhëndrri ia mori vajzën me dhunë nga shtëpia

Një nënë nga Ferizaj ka raportuar se ish-dhëndri ia morri vajzën më dhunë nga shtëpia.

Për këtë rast Policia e Kosovës ka njoftuar se është arrestuar një person për dhunim, sulm dhe asgjësim apo dëmtim i pasurisë në Ferizaj.

“Policia e stacionit në Ferizaj, me datën 02.09.2022 rreth orës 21:40 ka pranuar një informacion se në fshatin Nerodime e Epërme të Ferizajt është një rast, fillimisht i cilësuar “Shtrëngim , sulm dhe dëmtimit i pronës”

Ankuesja N.A (F/K) e moshës 42 vjeçare ka raportuar në polici se personi V.N (M/K) i moshës 27 vjeçar, ish dhëndëri i saj, kishte shkuar në shtëpinë e saj, fillimisht kishte dëmtuar dhe demoluar orenditë e shtëpisë e pastaj me forcë ka marr vajzën e ankueses M.A (F/K) e moshës 21 vjeçare , ish bashkëshorten e tij dhe kishte vazhduar në drejtim të panjohur” thuhet në komunikatën e Policisë së Kosovës.

Tutje në njoftim thuhet se në lidhje me këtë policia e rendit dhe hetuesit e stacionit në Ferizaj i kanë marrë veprimet e nevojshme, kanë dalë në vendin e ngjarjes dhe në rast janë kyçur Sektori Rajonal i Hetimeve, të cilët nën autorizim të Prokurorit nga Prokuroria Themelore në Ferizaj i kanë nisur hetimet.

“Njësitet e Policisë Rajonale të Ferizajt të koordinuara, pas një pune intenzive hetimore, sot rreth orës 12:00 kanë identifikuar të dyshuarin V.N dhe vendin e ndodhjes së tij, të cilin më pas e kanë arrestuar dhe shoqëruar në stacionin e policisë në Ferizaj,  pas intervistimit nga policët hetues, në prani edhe të avokatit mbrojtës, me vendim të Prokurorit të rastit është dërguar në mbajtje për 48 orë , për procedura të mëtejme hetimore, ndërsa rasti është cilësuar ” Dhunim , Sulm dhe Asgjësim apo dëmtim i pasurisë” thuhet në njoftim./SHQIP.com