Federata angleze ka besim te Southgate pavarësisht rezultateve në Ligën e Kombeve

Gareth Southgate nuk e ka filluar fare mirë sezonin e ri në Ligën e Kombeve, pasi ka një barazim me Gjermaninë dhe Italinë dhe humbjet në shtëpi dhe jashtë ndaj Hungarisë.

Humbja 4-0 ndaj Hungarisë në Molineux ishte humbja më e madhe e Anglisë në shtëpi që nga viti 1928; por Southgate ruan besimin e FA përpara Kupës së Botës në Katar, shkruan Sky Sport.

Federata e Futbollit ka mbështetur Gareth Southgate pas rezultateve zhgënjyese të Anglisë në Ligën e Kombeve këtë muaj dhe e siguroi trajnerin se pozicioni i tij është i sigurt.

Megjithatë, puna e Southgate është aktualisht e sigurt dhe ai mbetet menaxheri që FA dëshiron të udhëheqë Anglinë në Kupën e Botës në Katar më vonë këtë vit.

“Mendimi im personal për Gareth është se ai është, sipas fakteve në fushë, trajneri më i suksesshëm i Anglisë që kemi pasur për 55 vjet,” tha Debbie Hewitt, e cila mori postin e kryetares së FA në janar.

Skuadra e Southgate mori vetëm dy pikë nga katër ndeshjet e tyre në Ligën e Kombeve dhe u mund në shtëpi dhe jashtë nga Hungaria.

Humbja 4-0 në Molineux ishte humbja më e madhe e Anglisë në shtëpi në 94 vjet. Anglia është tre pikë prapa Italisë së vendit të tretë në grupin e saj me katër skuadra me vetëm dy ndeshje të mbetura, që do të thotë se ata janë në rrezik real të rënies nga liga më e lartë e Ligës së Kombeve./Shqip.com