FC Prishtina e fiton ndeshjen miqësore ndaj ekipit nga Greqia, Larissa
Shqip
FC Prishtina e ka fituar ndeshjen miqësore ndaj ekipit nga Liga e Dytë e Greqisë, A. Larissa me rezultat 2:0, shkruan Shqip.com.
Golat për ekipin nga kryeqendra e Kosovës u realizuan nga Mendurim Hoti (9′) dhe Albin Prapashtica (19′).
Kjo ndeshje u zhvillua të enjten në stadiumin “Fadil Vokrri”.
Prishtinës së drejtuar nga trajneri Ismet Munishi i shërbeu ky takim për ta ruajtur formën para ndeshjes së fundit me Ballkanin në Albi Mall Superligë, e cila zhvillohet më 11 dhjetor në Suharekë.
Kjo sfidë i takon xhiros së 14-të, por është shtyrë për shkak të angazhimeve të Ballkanit në Ligën e Konferencës.
/Shqip.com
