FBI heton sulmet ndaj centraleve elektrike në Karolinën e Veriut

Një sulm ndodhi të shtunën ku u dëmtuan dy centrale elektrike në Karolinën e Veriut.

Siç raporton BBC, FBI-ja është duke hetuar rastin pasiqë policia tha se ky sulm ishte i qëllimshëm.

Sipas zyrtarëve atje, rreth 35.000 persona të qarkut Moore janë pa energji elektrike dhe dëmi dëshiron disa kohë për tu riparuar.

Të gjitha shkollat në rrethinë u mbyllën të hënën, ndërsa është shpallur gjendja e jashtëzakonshme.

“Personi, apo personat, që e bënë këtë e dinin saktësisht se çfarë po bënin. “Ne nuk e kemi idenë se pse kontenë Moore. Kjo nuk ishte e rastësishme”, tha sherifi Ronnie Fields në një konferencë shtypi të dielën.

Fields tha se FBI po punonte me autoritetet lokale për të përcaktuar se kush ishte përgjegjës, duke shtuar se dikush u ngrit dhe “hapi zjarr mbi nënstacionin, e njëjta gjë me tjetrën”.

Kurse, zëdhënësi i Kompanisë Energjetike lokale “Duke Energy”, Jeff Brucks, tha se po tentojnë të bëjnë riparimin e centraleve.

“Ne po shohim një riparim mjaft të sofistikuar me disa pajisje mjaft të mëdha dhe kështu që duam që qytetarët e qytetit të përgatiten”, tha Brucks.

Është e paqartë se sa gjatë shkollat në qark do të mbeten të mbyllura, kurse zyrtarët  thonë se vendimet mbi hapjet do të merren nga dita në ditë.