Fantastike, Ballkani sërish në grupet e Ligës së Konferencës

Ballkani për herë të dytë radhazi është kualifikuar në fazën e grupeve të Ligës së Kampionëve.

Kampioni i Kosovës pësoi humbje nga BATE Borisov me rezultat 1-0 në ndeshjen kthyese të fazës play-off të Ligës së Konfernecës, por është kualifikuar falë fitores në përballjen e parë me rezultat 4-1.

Zhvillohej minuta e 30-të, kur një gabim i Lorenc Trashit para mbrojtjes bën që të përfitojnë lojtarët bjellorus, duke shënuar me Artem Kontsevoy nga afër për 1-0.

Pas golit të pranuar Ballkani filloi të luajë më mirë, ku Qëndrim Zyba në minutën e 38-të gjuajti nga distanca ngjitur me shtyllën.

Pjesës së parë edhe njëherë Koliçi doli në skenë me një pritje të bukur.

Në pjesën e dytë BATE Borisov vazhdoi me sulme, ndërsa skuadra jonë mbrohej mirë, edhe pse në disa raste Koliçi ishte shpëtimtar.

Ballkani përmes kundërsulmit ka mundur të mbyll takimin, ku në minutën e 59-të, Almir Kryeziu del i vetëm me portierin, por ngatërrohet me topin dhe goditja e tij bllokohet nga një mbrojtës bjellorus.

Tjëtër rast të mirë kishte Albin Berisha, i cili po ashtu doli i vetëm me portierin, por gjuajtja e tij shkoi jashtë.

Në 20 minutat e fundit, Ballkani u kthye shumë prapa, duke rrezikuar të pranojë golin e dytë, por në disa raste mbrojtja, në disa raste portieri Koliçi dhe në disa raste fati ishte me ta, duke e mbajtur portën e paprekur.

Edhe nëntë minutat e kohës shtesë nuk ndryshuan asgjë dhe Ballkani mori rezultatin që donte për të kaluar në fazën e grupeve të Ligës së Konferencës.