Eurodeputeti italian pezullohet nga partia e tij

Eurodeputeti italian, Andrea Cozzolino, është pezulluar nga partia e tij e qendrës së majtë deri në përfundimin e hetimit për skandalin e korrupsionit që përfshiu Parlamentin Evropian së fundmi.

Komisioni kombëtar i garancisë së partisë njoftoi vendimin të premten, duke thënë se ai ishte një “masë paraprake” dhe do të ishte “menjëherë i zbatueshëm”, raportojnë mediat e huaja.

Pezullimi synon gjithashtu “të mbrojë” imazhin e Partito Democratico dhe të lejojë Cozzolino të mbrojë pozicionin e tij në çështjen në vazhdim, thuhet tutje në deklaratë.

“Nuk jam marrë në pyetje. Nuk jam kontrolluar, as zyra ime nuk është parë”, tha eurodeputeti për mediat italiane.

“Unë jam gati të mbroj integritetin dhe reputacionin tim në çdo vend”, ka thënë Cozzolino.