Është një mark tjetër e njohur do të nis hetime kundër Kayne West

Adidas do të fillojë një hetim mbi akuzat për sjellje të pahijshme kundër Kanye West, me të cilin kompania kishte një partneritet që përfundoi në tetor.

Në një deklaratë të lëshuar të enjten, Adidas tha se “aktualisht nuk është e qartë nëse akuzat e bëra në një letër anonime janë të vërteta. Megjithatë, ne i marrim këto akuza shumë seriozisht dhe kemi marrë vendimin për të nisur një hetim të pavarur të çështjes menjëherë për të adresuar akuzat.”

Deklarata vjen pas një artikulli në Rolling Stone i cili raportoi se anëtarët e bordit të Adidas injoruan sjelljen e papërshtatshme të reperit, i cili ligjërisht ndryshoi emrin e tij në Ye , në partneritet me markën e tij Yeezy, raporton CNN.

Rolling Stone thotë se ka marrë një letër dërguar nga ish-punonjës të rangut të lartë të Yeezy anëtarëve të bordit ekzekutiv të martën në lidhje me “mjedisin toksik dhe kaotik që Kanye West krijoi”. Letra vazhdoi duke thënë: “Kjo lloj përgjigjeje nga një partner i markës është ajo që punonjësit e Adidas nuk duhet t’i nënshtrohen kurrë dhe as nuk duhet të tolerojnë ndonjëherë udhëheqja e Adidas”.

Adidas i dha fund partneritetit me Ye pasi ai bëri një sërë komentesh antisemite muajt e fundit.