Elon Musk paralajmëron modelin e ri të Roadster

Tesla Roadster do të hyjë në prodhim deri në fund të vitit 2024, me dizajnin përfundimtar dhe ndryshimet inxhinierike që do të përfundojnë këtë vit, ka thënë Elon Musk javën e kaluar.

I zbuluar për herë të parë në vitin 2017 (krahas kamionit Semi), Tesla mahniti botën me shifra mbresëlënëse të performancës.

Në atë kohë, prodhuesi tha se Roadster mund të shpejtonte në 60 mph në 1.9 sekonda dhe të arrinte një shpejtësi maksimale mbi 250 mph.

Musk fajësoi problemet e zinxhirit të furnizimit dy vjet më parë për vonesën e Roadster.

Musk kishte lënë të kuptohet se supermakina tërësisht elektrike do të mbërrinte në vitin 2023, por kjo duket se nuk do të ndodh.

Kompania nuk ka dhënë detaje se ku do të ndërtohet automjeti, megjithatë, kompania mund të presë të rrisë kapacitetin e saj prodhues në muajt e ardhshëm, por se modeli Roadster duket se do të jetë i kufizuar.

Tesla ndaloi pranimin e porosive për Roadster në vitin 2021, por disa klientë vendosën depozita prej 50,000 dollarësh që në vitin 2017 për modelin e ri.

Këto rezervime të kushtueshme raportohet se ishin për serinë Founders Series, e cila do të kufizohet në vetëm 1,000 njësi.

Aktualisht, në faqen e internetit nuk përmendet çmimi, por rezervimet janë rihapur. Pa çmim të disponueshëm, mund të kushtojë dukshëm më shumë se çmimi prej 250,000 dollarësh i përmendur për herë të parë gjithë ato vite më parë.

Një model bazë do të ofrohet gjithashtu me rreth 200,000 dollarë.