Eliminohet Flaka Loxha

Xhudistja kosovare, Flaka Loxha është eliminuar në luftën e saj të parë në kuadër të Kampionatit Botëror, që po mbahet në Usbekistan.

Loxha është mundur nga xhudistja polake Arleta Podolak.

Loxha garoi në kategorinë nën 57 kilogramë, por ishte e pafat, duke mos arritur të kalonte tutje.

Në anën tjetër, Podolak do të vijojë garën për medalje, teksa përballë ka Lien Chen-Ling.

Loriana Kuka dhe Laura Fazliu nuk kanë garuar ende, ndërsa dje, Distria Krasniqi u stolis me medaljen e bronztë.