“El Nino” simbol i “ankthit” për Barcelonën
Shqip
Ishte minuta e 91-të.
Barcelona po sulmonte me të gjitha forcat për të shënuar edhe një gol ndaj Chelseas.
Rezultati ishte 2-1 dhe katalunasve i duhej një gol për tu kualifikuar tutje (ndeshja e parë kishte përfunduar 1-0 në të mirë të Chelseas).
Xavi, Iniesta, Messi të gjithë ishin në sulm. E kërkonin kualifikimin.
Londinezët po vuanin pasi kishin një futbollist më pak në fushën e gjelbër.
Një top i larguar nga zona e rrezikshmërisë – përfundoi në këmbët e Fernando Torres.
Sulmuesi spanjoll u gjend i vetëm në mes të fushës.
Ai vraponte me shpejtësi, teksa Sergio Busquetes nuk mund ta zinte asesi.
“El Ninho” me një ftohtësi tipike të një qendërulmuesi, e drbiloi portierin Victor Valdes. Topin e dërgoi në rrjetë.
“Camp Nou” mbeti i heshtur.
Ndeshja përfundoi me rezultat 2-2, Chelsea u kualifikua në finale – ku më pas e mposhti Bayern Munchen dhe u shpall kampione e Evropës. /Shqip.com
