“El Matador” do të jetë nën urdhërat e Gattusos

Pas Italisë, Francës e Anglisë – rradhën e ka Spanja.

Edinson Cavani do të zbarkojë në “Mestalla Stadium”.

“El Matador” ka arritur marrëveshje për dy vitet e ardhshme – me Valencian.

Lajmin e ka bërë të ditur Fabrzio Romano.

Sipas Romanos, trajneri i Valencias, Gennaro Gattuso e kishte sulmuesin uruguain si objektiv kryesor dhe e arriti qëllimin.

35 vjeçari ka pasur oferta edhe jashtë Evropës, por vendosi që të vazhdojë në kontientin e vjetër.

Së fundmi, Cavani ishte pjesë e Manchester United – dhe e mbylli sezonin me dy gola dhe një asitim – në 15-të ndeshje të zhvilluara në Premierligë.

Sulmuesi uruguain është përballur me shumë lëndime në vitet e fundit – dhe i është zbehur shkëlqimi.

Ai – tashmë ka 35 vjet në supe – por vazhdon të ftohet rregullisht nga kombëtarja e Uruguait./Shqip.com