Egla u përjashtua, Maestro bën reagimin e papritur

Pasi u dha lajmërimi që Egla u përjashtua nga shtëpia banorja e priti me shumë sportivitet.

Por për disa konkurrentë të tjerë nuk ishte kështu, duke nisur debatet në shtëpi teksa ‘fajësojnë’ çiftin Ilnisa-Meriton për largimin e Eglës.

Nuk kanë munguar as reagimet nga jashtë ku pas Sara Gjordenit ka reaguar dhe një tjetër ish-banor i ‘BBV2’, Armaldo Kllogjeri, i cili nëpërmjet një postimi në Instastory thotë:

“Ah moj Egla uroj që ende të jesh në punë (në teatër) tani që dole nga ‘BBV3’, sepse unë kur dola nga ajo shtëpi e gjeta veten në rrugë”.

Egla u përjashtua me vendim të “Vëllait Madh” pasi mbrëmjen e kaluar, 2 herë radhazi, i derdhi Meritonit në kokë gotën me verë. Banorët po debatonin me tone të ashpra deri në atë moment.

Në debate u përfshi edhe Ilnisa e cila sulmoi Eglën me fjalë fyese. Big Brother pritet të marrë masa ndëshkuese edhe për çiftin Ilnisa-Meriton. Gjithçka do të mësohet gjatë prime të martën.