Edhe Qeveria saudite aktivizohet për transferimin e Messit
Shqip
Në Arabinë Saudite nuk ka dyshim se Lionel Messi do të luajë në kampionatin e tyre.
Sipas Marca, udhëheqja sportive dhe politike e vendit është absolutisht e sigurt se argjentinasi do të luajë në ligën e Arabisë Saudite sezonin e ardhshëm. Sauditët besojnë se Messi do të bëhet lojtar i Al-Hilal disa ditë pas përfundimit të sezonit në Francë.
Qeveria saudite dëshiron të ringjallë përballjen mes Messit dhe Cristiano Ronaldos, i cili luan për Al-Nassr.
Oferta për Messin është bërë në fillim të janarit. Paga e lojtarit sipas kontratës mund të kalojë 300 milionë euro në vit.
Vihet re se klubet saudite janë të interesuara për nënshkrimin e një numri lojtarësh nga klubet evropiane. Në veçanti përmenden emrat e Sergio Busquets, Jordi Alba, Nacho Fernandez, Karim Benzema, Luka Modric dhe Alvaro Morata. Megjithatë, qëllimi parësor është Messi.
Kontrata e Lionelit me PSG-në skadon në fund të qershorit.
/Shqip.com
