Edhe gjashtë klube i bashkohen Federatës së Notit të Kosovës

Edhe gjashtë klube të reja do t’i bashkohen Federatës së Notit të Kosovës.

Ky vendim është marrë nga Këshilli i Arbitrazhit Sportiv.

“Këshilli i Arbitrazhit Sportiv (KAS), ka shqyrtuar padinë e gjashtë klubeve të notit, Aloha, Delfini, Illyria, Rainca, Niko dhe Hajvalia të bërë ndaj Federatës së Notit të Kosovës (FNK). Klubet janë drejtuar me padi në KAS për mos anëtarësimin e tyre nga Federata e Notit të Kosovës.

KAS pas shqyrtimit të ankesës dhe dëgjimit të palëve, ka marrë vendim pro-klubeve” thuhet ndër të tjera në vendim.

Ky vendim do të hyjë në fuqi qysh nga dita e sotme.

Teksa, arbitër kryesues në këtë arbitrazh ishte Fisnik Salihu. /Shqip.com