E pabesueshme kjo që po i ndodh Ronaldos

Cristiano Ronaldo deri pak kohë më parë ka qenë ëndërr e çdo skuadre, ndërsa së fundi situata ka ndryshuar dhe trajnerë të shumtë sikur kanë frikë ta kenë në grupin e tyre.

Shpresat e tij për të siguruar një largim nga Manchester United gjatë afatit kalimtar të janarit kanë pësuar një goditje pasi ideja për t’u rikthyer në Sporting Lison është rrëzuar.

Mendohet se pesë herë fituesi i “Topit të Artë” favorizoi një rikthim në klubin e tij të fëmijërisë për të shënuar kapitullin e fundit të një karriere të shkëlqyer klubi, por trajneri i Sportingut, Ruben Amorim nuk është optimist se një marrëveshje mund të arrihet. Kjo vjen pavarësisht nga fakti se United thuhet se është i prirë të largojë sulmuesin përpara se ai të shkaktojë përçarje të mëtejshme në dhomën e zhveshjes në “Old Trafford”.

Ronaldo ditë më parë u dënua nga trajneri Erik ten Hag, i cili e largoi përkohësisht atë nga ekipi i parë në stërvitje dhe për barazimin e fundit 1-1 me Chelsean, pasi ai refuzoi të dilte nga bankina në ndeshjen kundër Tottenhamit.

Disa do të pyesin pse Sporting do ta dëshironte atë lloj problemi në dhomën e tyre të zhveshjes, por nuk ka gjasa që Amorim të përballet me një dhimbje koke të ngjashme me Ten Hag.

“Ronaldo është një lojtar i Manchester United. Të gjithë në Sporting ëndërrojnë për rikthimin e Cristianos, por ne nuk kemi para për t’i paguar pagat e tij”, ka thënë ai shkurtazi.

Është e vërtetë që kapiteni portugez është me një shumë të jashtëzakonshme parash në “Old Trafford” dhe besohet të jetë lojtari më i paguar në Ligën Premiere. Është një shpenzim që aktualisht nuk ia vlen nga këndvështrimi i United, me Ten Hag që heziton të përdorë Ronaldon në ndeshjet më të rëndësishme.