“E majta magjike” e Zhegrovës
E majta “magjike” e Edon Zhegrovës është duke dhuruar “art” në fushën e gjelbër.
Sulmuesi nga Prishtina, të premten shënoi golin e tij të radhës me Baselin duke treguar që është rikthyer në elementin më të mirë, shkruan Shqip.com.
Në ndeshjen që Baseli e zhvilloi kundër AC Ominia, 22 vjeçari, pas një driblimi të bukur në zonën e rreptësisë, e goditi topin në mënyrë mjeshtërore, duke e mposhtur portierin kundërshtar.
Ky takim ishte i vlefshëm për Europa Conference League, ndërsa Baseli triumoi me rezultat 3-1.
Zhegrova, paraqitje të mirë pati në ndeshjen e kaluar, ndaj Sionit, ku e shënoi një eurogol, duke e festuar rikthimin nga lëndimi, në mënyrën më të mirë të mundshme.
Ai, po ashtu është shpallur futbollisti më i mirë i javës në Superligën e Zvicrës.
Në përgjithësi, këtë sezonë, ai ka zhvilluar gjashtë ndeshje me Baselin dhe ka regjistruar tre gola dhe tre asistime.
Vlera e tij në tregun e tranferimeve sipas “Tranfermarket”, konsiderohet të jetë, dy milionë euro.
Në të kaluarën, ai ka qenë pjesë e Genk, ndërsa ëndrra e tij, siq edhe e ka thënë disa herë në intervista, është që të luajë për Barcelonën./Shqip.com