Dybala udhëton në Spanjë për të qartësuar destinacionin e ardhshëm
Shqip
Paulo Dybala ka ndarë rrugët me “Zonjën e Vjetër”.
Ai luajti ndeshjen e fundit për Juventusin ditën e shtunë, në humbjen 2:0 ndaj Fiorentinës.
Argjentinasi ka treguar rreth të ardhmes së tij në intervistën për Sky Sport, raporton Fabrizio Romano.
Paulo Dybala tells Sky Sport on his future club: “I’ve not decided yet. I will be in Spain tomorrow, then it will be time for holidays… I’ll pick the best club for me”. 🇦🇷 #Dybala
“If Kimpembé told me about Psg? I don’t know, I really don’t know what I’m gonna decide”. pic.twitter.com/mbhqDON2yt
— Fabrizio Romano (@FabrizioRomano) May 23, 2022
“Nuk kam vendosur ende. Nesër do të jem në Spanjë, pastaj do të jetë koha për pushime… Unë do të zgjedh klubin më të mirë për mua”, tha ai.
Po ashtu, 28 vjeçari komentoi rreth thashethemeve se mund të përfundojë në “Parkun e Princave”.
“Nëse Kimpembé më tregonte për PSG-në? Nuk e di, vërtet nuk e di se çfarë do të vendos”, përfundoi Dybala.
Sulmuesi kaloi shtatë sezone në Torino, ku fitoi pesë ‘Scudetto’ dhe kontribuoi me 115 gola dhe 48 asiste në 293 paraqitje.
Teksa, këtë edicion, 10 herë gjeti rrjetën dhe pesë të tjera shërbeu bashkëlojtarët, në gjithësej 29 paraqitje në Serie A.
Përveç pesë trofeve të kampionit, Dybala ka edhe katër medalje në “Coppa Italia” dhe tre herë ngriti Sueperkupën e Italisë. /Shqip.com
