Dybala rikthehet në “Allianz Stadium”

Pak muaj pasi u largua nga Torino, Paulo Dybala do të rikthehet në shtëpinë e vjetër.

Jose Mourihno e Massimiliano Allegri do të luftojnë kok më kok në derbin e kësaj fundjave në Serie A.

Edhe pse ata nuk arritën të mposhtin Juventusin sezonin e kaluar, AS Roma do të shkojë në ndeshjen e kësaj fundjave kundër Zonjës së Vjetër me vetëbesim, sepse ata tani kanë ish-hajmalinë e Bianconerëve, Dybalan.

Gjatë dy sezoneve të fundit, Bianconerët kanë pasur rezultate më të mira, duke mundur ekipin nga kryeqyteti në tre nga katër rastet e fundit me rezultatin e përgjithshëm 9-5.

Megjithatë, në ndeshjen e tyre të shtunën, do të ketë një ndryshim të madh. Dybala këtë herë do të luajë për ekipin mysafir.

Ndërsa sulmuesi i vogël argjentinas duket se është vendosur pa mundim në Qytetin e Përjetshëm, pasi është pritur ngrohtësisht pas mbërritjes së tij, ai ende nuk ka shënuar për Romën në Serie A.

Golat që fituan dy ndeshjet e para të Romës erdhën nga burime më pak të mundshme, me Bryan Cristante që i nxori ata drejt fitores në Salernitana, përpara se Chris Smalling të shënonte golin e fitores kundër Cremonese fundjavën e kaluar.

Ndërsa djemtë e Jose Mourinhos kanë një rekord 100% në Serinë A të këtij sezoni, fituesit rekord të Scudetto-s barazuan ndeshjen e tyre të fundit kundër Sampdoria pas fitores 3-0 të ditës së parë ndaj Sassuolo-s./Shqip.com