Dy të vdekur dhe 27 të lënduar nga zjarret në afërsi të Rivierës Franceze

Dy persona kanë mbetur të vdekur, ndërsa 27 të lënduar si pasojë e zjarrit në afërsi të rivierës franceze të mërkurën.

Mbi një mijë e 100 zjarrfikës po luftonin me flakët, ndërsa mijëra turistë dhe vendas u evakuuan në zona më të sigurta, shkruan AP, transmeton Shqip.com.

Zjarri filloi mbrëmjen e së hënës 40 kilometra (24 milje) në brendësi të vendpushimit bregdetar të Saint-Tropez. I ndezur nga erërat e fuqishme sezonale që dilnin nga Deti Mesdhe, zjarri kishte djegur 7,000 hektarë (17,300 hektarë) pyll deri të mërkurën në mëngjes, thanë zyrtarët lokalë.

Prefekti i rajonit Var, Evence Richard, u tha gazetarëve se dy persona kanë vdekur. Prokurori lokal tha se trupat u gjetën në një shtëpi që u dogj pranë qytetit të Grimaud. Një hetim është hapur për të identifikuar zyrtarisht viktimat.

Të paktën 27 persona, përfshirë pesë zjarrfikës, kanë pësuar thithje tymi ose lëndime të lehta nga zjarri, tha prefektura e rajonit Var. Autoritetet mbyllën një autostradë në veri të zonës së zjarrit të mërkurën pasdite për shkak të tymit të dendur./SHQIP.com