Duhej martesa që Dembele të gjejë formën
Shqip
Ousmane Dembele ka gjetur formën më konsistente të tij, që prej se iu bashkua Bacelonës.
Ai është top asistuesi i La Ligas me 13 sosh.
24 vjeçari është këndellur me ardhjen e Xavi Hernandez si trajner i klubit katalanas.
Por, pjesë e ‘formulës’ së tij nuk janë vetëm taktikat e teknikut spanjoll.
Francezi u martua gjatë muajit dhjetor, dhe prej atëherë nuk ka marrë asnjë lëndim.
Dembele po ashtu shtoi 10 asistime që prej asaj kohe, duke u pozicionuar i pari në listën e shërbyeve më të mirë këtë edicion të elitës së futbollit në Spanjë.
Ai ka shërbyer bashkëlojtarët e tij ndaj klubeve si Valencia, Bilbao, Osasuna, Real Madrid, Sevilla, Levante dhe së fundmi Celta Vigo.
Kurse, lojtari që ka shënuar më së shumti gola nga pasimet e tij është Pierre-Emerick Aubameyang – me plot katër hera.
Përndryshe, sulmuesi i krahut është në dilemë sa i përket qëndrimit të tij te Barça, me kontratën që i skadon në qershor të këtij viti. /Shqip.com
