Drita – skuadra që po “peshkon” me sukses në merkato
Shqip
Kampionatin e mbylli në vendin e dytë, teksa në finale të kupës u mposhtën nga Llapi.
FC Drita është e etur për trofe dhe ka dalë në “gjueti” në merkaton e verës.
Skuadra nga Gjilani ka qenë më aktivja deri më tani në Superligë – duke siguruar shërbimet e gjashtë futbollistëve.
Besnik Krasniqi, ishte goditja e parë – që në letër duket e qëlluar për shkak të formës së tij në vitet e fundit dhe përvojës së madhe që ka në supe.
Në repartin defanziv kjo skuadër është përfocuar edhe me Leonat Vitinë, që erdhi nga KF Skenderbeu dhe pritet të mbulojë hapësirën që la largimi i Ardian Cuculit.
Ani pse në portën e “intelektualëve” gjendet gardiani – Faton Maloku, në Gjilan ka zbarkuar dhe Florian Smakiqi, që pritet t’i bëjë konkurencë atij.
Por, drejtuesit e kësaj skudre nuk janë ndalur me kaq dhe kanë investuar edhe në repartin sulmues – ku kanë sjellur “magjistarin” Blendi Baftiun dhe këmbëshpejtin, Kastriot Selmani.
Baftiu kishte një sezon mjaftë të mirë me FC Ballkanin, duke u shpallur kampion i Superligës.
Teksa, Selmani e fitoi kupën me FC Llapin.
Një transfer tjetër është edhe Iran Junior që së fundmi e djersiti fanellën e Ulpianës.
Në anën tjetër, i janë vazhduar kontratat e Hamdi Namanit, Ilir Blaqorit dhe Simonoskit.
Sa i përket Europa Conference League, Drita do të takohet me me Inter Turku, me gjashtë korrik – në Finaldë. /Shqip.com
