Dosja “Veliaj”/ SPAK merr të pandehur edhe pronarin e Sky Tower, Mirton Lika

Shqip.com mëson se SPAK i ka komunikuar akuzën “fshehje e të ardhurave” edhe biznesmenit Mirton Lika në dosjen ‘Veliaj’.

Në bazë të hetimeve rezulton se Lika i ka dhënë një zyrë Ajola Xoxës me kontratë hua përdorje, por Prokuroria e Posaçme dyshon se është veprimtari e paligjshme.

Bëhet fjalë për një zyrë në godinën “Sky Tower” në zonën e Bllokut, ku u ushtruan kontrolle përpara disa muajsh nga agjentët e BKH.

Ajola Xoxa në këtë godinë zotëronte zyra për disa aktivitete të saj nga galeria private “Harabel” te zyra juridike “Partners Low”.