Dori Camaj / Çka din ti për gzimin tem!

ÇKA DIN TI PËR GZIMIN TEM!

Çka din ti për gzimin tem!

Hiç,
kurrgja..

Veç nji lule janari,
çelun n’gji shkambi,
mbrujtun acarit pa sy..

E për trishtim,
a thu din ma shum’?

S’po muj me than sen’
se me e pas ndie,
lëkurën shpirtit
n’thoj ja kishe zhvesh..

Andaj lem…

Lem ti knoj nji ylli qi bjen n’mesnat’,
lem t’tretem lumejsh si bora,
lem t’kjaj
se zogjt djerr e lan folen,
lem t’qes do thërrmija n’dritare
se kush’di,
nashta i bjen rruga nji zogu t’harruem
e t’ndam prej shokësh,
qi unshëm ka mbet
n’kët bot’ hithnash…

Lem..

T’knoj me vaj,
e t’qeshem n’pasqyr,
ku flokt
mi kreh

Ajo…