(Dokument) Kryetari i Kuvendit Komunal në Preshevë përkrah shkarkimin e Sinanit
Kryetari i Kuvendit Komunal në Preshevë, Sami Salihu, ka mbështetur kërkesën për shkarkimin e Ardita Sinanit nga pozita e kryetares.
Në dokumentin e siguruar nga Shqip.com, Salihu ka nënshkruar menjëherë kërkesën për thirrjen e seancës së jashtëzakonshme të Alternativës për Ndryshim të Shqipërim Arifit, për shkarkimin e Sinanit.
Seanca është vendosur të mbahet të hënën e 11 prillit, në ora 10.
Në arsyetimin për shkarkimin e Sinanit, thuhet “si pasojë e krizës institucionale dhe mosfunksionimit të pushtetit lokal”.
Gjatë ditës, Shqip.com ka raportuar ekskluzivisht për kërkesën e dorëzuar nga Alternativa për Ndryshim për shkarkimin e Sinanit, përmes 12 nënshkrimeve.
Sinani u zgjodh në krye të Preshevës me 21 maj 2021, si pjesë e partisë Partia për Veprim Demokratik.