“Do të kisha kryer vetëvrasje nëse do të ndihesha fajtor për vdekjen e Hutchins”

Në intervistën e tij të parë që nga tragjedia e filmit që la te vdekur një person dhe plagosi një tjetër, Alec Baldwin ka këmbëngulur se nuk donte ta portretizonte veten si viktimë.

Gjatë intervistës për rrjetin televiziv ABC, pasi u pyet nëse ndihej fajtor sepse dikush tjetër ishte përgjegjës për sjelljen e municioneve në shesh.

 “Jo. Jo. Ndjej se dikush është përgjegjës për atë që ndodhi dhe nuk mund të them se kush është, por e di që nuk jam unë”.

Ai shtoi: “Dmth, i sinqertë me Zotin, nëse do të ndjeja se isha përgjegjës, mund të kisha vrarë veten nëse do të mendoja se isha përgjegjës. Dhe këtë nuk e them lehtë”, shkruan Daily Mail.

Baldwin vazhdoi duke deklaruar se i është thënë nga njerëz ‘në dijeni’ se është ‘shumë e pamundur’ që ai të përballet me ndonjë akuzë penale për të shtënat, duke shtuar se ai kishte disa ‘ide’ se si përfunduan xhirimet – por ai tha se do t’ua linte hetuesve.

I pyetur pse ai nuk e kontrolloi kurrë armën e tij, Baldwin u përgjigj: “Ajo që më mësoi dikush vite më parë ishte: nëse do të merrja një armë dhe do të nxirrja një kapëse nga një armë ose do të manipuloja dhomën e një arme, ata do ta merrnin armën”.

“Dhe ata do të thoshin: ‘Një gjë që duhet të kuptoni është se ne nuk duam që aktori të jetë linja e fundit e mbrojtjes kundër një shkeljeje katastrofike të sigurisë me armë’”.

“Detyra ime është të sigurohem që arma të jetë e sigurt, dhe që unë t’ju jap armën dhe të deklaroj se arma është e sigurt. Ekipi nuk po mbështetet te ju për të thënë se është i sigurt. Ata po mbështeten tek unë për të thënë se është e sigurt”.

Ai tha se u besonte të tjerëve në xhirime për të bërë punën e tyre./SHQIP.com