Dita e Ujit të Bekuar, Margariti sjell ikonën që paraqet pagëzimin e Jezu Krishtit
Shqip
Ministrja e Kulturës, Elva Margariti solli në vëmendje ikonën që paraqet pagëzimin e Jezu Krishtit nga dora e Johan Pagëzorit mbi lumin Jordan, që është e ekspozuar në Berat, me rastin e Ditës së Ujit të Bekuar.
Margariti thekson se kjo ikonë është realizuar në vitet 1812-1814.
“Në Ditën e Ujit të Bekuar, që festohet prej shekujsh me madhështi në qytetin e Beratit, veçojmë ikonën që paraqet pagëzimin e Jezu Krishtit nga dora e Johan Pagëzorit mbi lumin Jordan”, tha Margariti.
“Realizuar rreth 1812-14 nga Joan Çetiri, ikona është pjesë e ikonave të vogla (festive) në ikonostasin e katedrales “Fjetja e Shën Mërisë”, sot Muzeu Ikonografik “Onufri””, shkruan Margariti.
“Ajo është e ekspozuar dhe mund të admirohet nga vizitorët e shumtë të muzeut”, thekson Margariti.
/Shqip.com
