Dita e flamurit që frymëzoi Adem Jasharin dhe UÇK-në
Shqip
Sot, shënohet 109 vjetori i pavarësisë së Shqipërisë.
Ismail Qemaili me mbështetjen e Austro-Hungarisë, e shpalli shtetin shqiptar me flamurin kuq e zi.
Atë simbol, po në 28 nëntor, mirëpo në një qytet tjetër; Krujë e gjatë vitit 1443 e kishte ngritur edhe Gjergj Kastriotim – Skënderbeu.
Por, këto dy shënime nuk janë të vetmet në këtë datë.
Po, më 28 nëntor – Ushtria Çlirimtare e Kosovës doli në skenë.
Frikë s’kishte, gjithçka e hapur. Guxim të cilin 28 nëntori e reflektoi, thanë shumë pjesëmarrës të asaj ngjarjeje.
Mirëpo, UÇK një simbol të saj e kishte, pa dyshim – ai ishte komadantanti legjendar, Adem Jashari.
Pikërisht, kjo figurë kombëtare ka lindur po më 28 nëntor.
Kjo datë shënohet në të gjitha vatrat shqiptare, por edhe në diasporë.
Sot, Shqipëria është anëtare e NATO-s si dhe para hapjes së negociatave me Bashkimin Evropian.
Ndërkaq, Kosova është shtet – i njohur nga më shumë se 100 vende.
Në anën tjetër, gjuha shqipe në Maqedoninë e Veriut është zyrtare dhe shqiptarët atje janë faktor politik.
Kjo datë shënohet edhe nga shqiptarët në Luginë të Preshevës si dhe në Malin e Zi. /Shqip.com
