Distria Krasniqi siguron medalje, kalon në finale në Paris
Shqip
Distria Krasniqi ka kaluar në finale në Grand Slamin e Parisit në kategorinë deri në 52 kilogramë.
Distria në gjysmëfinale mposhti zviceranen Fabienne Kocher, e cila në Kampionatin Botëror të Xhudos 2021 po ashtu fitoi njërën nga të bronztat.
Në raundin e dytë ajo ka mposhtur xhudisten Anais Mosdier nga Franca, ndërsa në çerekfinale britaniken Chelsie Giles, e cila fitoi njërën nga medaljet e bronzta në Lojërat Olimpike Tokio 2020.
Në Grand Slamin e Parisit përveç kampiones olimpike të Tokio 2020 po marrin pjesë edhe katër garues nga Kosova: Flaka Loxha (deri 57kg), Laura Fazliu (deri 63kg) si dhe Akil Gjakova (deri 73kg).
Garuesit e tjerë janë eliminuar, Akili në raundin e dytë, ndërsa Laura dhe Flaka në raundin e parë.
Distria përpos që i solli medaljen e dytë të artë nga Lojërat Olimpike Tokio 2020 vitin e kaluar, ajo po ashtu nga Federata Ndërkombëtare e Xhudos u shpall xhudistja e vitit për vitin 2021 e këtë vit e filloi me medaljen e artë në Grand Prixin e Portugalisë./SHQIP.com
