Disa të vrarë nga të shtënat në një qendër tregtare në Kopenhagë
Publikuar:
(03.07.2022 22:57:48)
Policia daneze ka arrestuar një 22-vjeçar danez në lidhje me sulmin vdekjeprurëse në një qendër tregtare në Kopenhagë.
Shefi i policisë Soeren Thomassen tha se motivi ishte i paqartë, por se ai nuk mund të përjashtonte një “akt terrorizmi”.
Thomassen tha se disa njerëz u vranë në të shtënat e së dielës, duke shtuar se ishte shumë herët për të dhënë shifra të sakta, raporton BBC.
Dëshmitarët okularë kanë folur për panik në mesin e blerësve pasi të shtënat kanë rënë brenda qendrës tregtare Field në jug të qytetit.
Emilie Jeppesen i tha gazetës Jyllands-Posten: “Ju nuk e dinit se çfarë po ndodhte. Papritur kishte vetëm kaos kudo.”
Një tjetër dëshmitar, Mahdi Al-Wazni, tha për TV2 se sulmuesi kishte mbajtur një “pushkë gjuetie”./Shqip.com