Disa të plagosur – në një metro në Brooklyn

Disa njerëz janë qëlluar në një stacion metroje në Brooklyn, ku u gjetën gjithashtu “disa pajisje të pashpërthyera”, tha Departamenti i Zjarrfikësve të qytetit të Nju Jorkut, njofton CNN.

FDNY nuk dha detaje mbi pajisjet që u gjetën, por tha se shumë njerëz u gjetën të qëlluar pas mbërritjes në një thirrje për një gjendje tymi në stacionin e metrosë 36th Street dhe 4th Avenue rreth orës 8:30 të mëngjesit të së martës.

Disa burime të zbatimit të ligjit thanë gjithashtu për CNN se shumë njerëz janë plagosur nga të shtënat me armë zjarri në një stacion metroje në Brooklyn.

Teksa, Departamenti i Policisë së Nju Jorkut thotë se po heton.

“Për shkak të një hetimi, shmangni zonën e rrugës 36 dhe zonës së 4th Avenue në Brooklyn”, shkroi NYPD në Twitter.

“Presin automjete emergjence dhe vonesa në zonën përreth”, vazhdoi ai.

Autoriteti Metropolitan i Tranzitit, i cili operon metro, tha gjithashtu se hetimet po vazhdojnë.

“Trenat D/N/R po mbahen në stacione në të dy drejtimet në Brooklyn për shkak të një hetimi të NYPD në 36 St,” shkroi MTA në Twitter.

I njoftuar për këtë ngjarje është edhe Presidenti, tha sekretarja e shtypit e Shtëpisë së Bardhë, Jen Psaki.

Stafi i lartë i Shtëpisë së Bardhë është në kontakt me kryetarin e bashkisë së Nju Jorkut Eric Adams dhe komisionerin e policisë Keechant Sewell, shtoi Psaki.

Ndërsa, për shkak të kësaj ngjarje – shkollat ​​në zonën e afërt të Brooklyn-it janë rrethuar – që do të thotë se askush nuk lejohet të largohet nga ndërtesa dhe vetëm studentët lejohen të hyjnë.