Detaje të reja të Skoda Kodiaq

Gjenerata e dytë Skoda Kodiaq premton të ndjekë rrugën e suksesshme të trasuar nga gjenerata e parë, si një SUV për familjen.

Me Enyaq dhe Elroq-in e ardhshëm tërësisht elektrik që do të vijë në vitin 2024, prodhuesi çek është i fokusuar në zgjerimin e linjës tërësisht elektrike, por disa ndryshime të mëdha do të vijnë edhe në Kodiaq-in e ri, i cili gjithashtu merr elektrifikim, në formën e fuqisw hibride tw butë dhe hibride plug-in.

Ky veprim është ndoshta i vonuar për Kodiaq, duke pasur parasysh se shumica e rivalëve të tij kanë ofruar variante të elektrizuara për disa vite. Modeli PHEV mund të pritet të bashkohet me gamën në pranverën e vitit 2024, por asistenca hibride e butë do të jetë e disponueshme që nga fillimi. Skoda pretendon se bateria 25.7 kWh e PHEV do të mundwsoj lwvizjen deri nw rreth 100 kilometra me njw mbushje. Fuqia totale e modelit hibrid plug-in është 202 kuaj fuqi.

Nga fotot e bwra gjatw testimit, shihen disa ndryshme qw do t’i ketw vetura nw krahasim me modelin e kaluar.

Shtyllat e pasqyrave janë zhvendosur pak më poshtë në dyer, me sa duket për përmirësimin e efikasitetit aerodinamik. Kodiaq do jetw pwr 61 mm më e gjatë se paraardhësi i tij, por baza e rrotave ka mbetur e paprekur, në 2791 mm.

Skoda ka projektuar dritat e pasme më të sheshta që ka të ngjarë të jenë më të gjera se sa lejohemi të shohim në këtë makinë të kamufluar. Dritat me sa duket shtrihen në derën e pasme. Në versionin me shtatë vende, Kodiaq mund të zë diku nga 340 deri në 845 litra, në varësi të faktit nëse sediljet janë të palosura apo jo.

Nëse bazohemi tek modeli me pesë vende, vëllimi maksimal rritet në 910 litra, me 75 litra më shumë krahasuar me modelin e gjeneratës së parë, ku pasagjerët që do qëndrojnë në anën e pasme të veturës, tani kanë një hapësirë ​​ekstra prej 15 mm.

Për sa i përket motorëve, Kodiaq 2024 do të ofrohet me një motor hibrid të butë 1.5-litërsh TSI që prodhon 150 hp (110 kW) me fuqizim nga rrotat e përparme nëpërmjet një transmetimi automatik me shtatë shpejtësi. Më pas është një motor 2.0 TSI me 204 hp (150 kW) me AWD dhe një DSG. Do ketë edhe një motor me naftë, 2.0 TDI që jep 150 kf (110 kW) në modelin FWD dhe 193 hp (142 kW) në versionin AWD, të dy modelet me ndërrues shpejtësie automatik.

Për herë të parë në një Skoda SUV, Kodiaq mund të përdoret si një hibrid plug-in me një 1.5 TSI dhe një motor elektrik për një fuqi të kombinuar prej 204 hp (150 kW) të transferuar në rrugë përmes një DSG me gjashtë shpejtësi. Falë një pakete baterie 25,7 kWh, versioni PHEV do të ofrojë një rreze të pastër elektrike që tejkalon 100 kilometra.

Për sa i përket teknologjisë, Kodiaq përfiton nga një evolucion i fenerëve me matricë të plotë LED, një ekran me prekje 12,9 inç, një grup instrumentesh dixhitale 10,25 inç dhe një ekran ballor. Ekziston edhe një funksion parkimi në distancë i disponueshëm nëpërmjet një aplikacioni smartphone, së bashku me sistemet e përmirësuara të Ndihmës Emergjente dhe Asistencës së bllokimit në trafik. Kontrolli adaptiv i lundrimit (me stop & go) do të funksionojë me shpejtësi deri në 60 km/).

Skoda do të prezantojë Kodiaq-in e ri këtë vjeshtë.