Dështon fluturimi i raketës së Elon Musk

Raketa Starship e SpaceX nuk arriti cakun e caktuar, duke shpërthyer, disa minuta pasi u ngrit nga një platformë lëshimi në Teksasin e Jugut.

Anija kozmike, më e fuqishmja që është nisur ndonjëherë, nuk arriti të mbërrinte në orbitë, por nuk ishte një dështim total për kompaninë private të fluturimeve në hapësirë.

Satellite view and heat signature of @SpaceX‘s Starship launch and explosion. @nytimes live updates… https://t.co/mnV6wWwA9M

Satellite Source: GOES-East via @CIRA_CSU @NOAASatellites pic.twitter.com/zjqMsxa0fu

— Judson Jones (@thejudsonjones) April 20, 2023

Përpara nisjes, Elon Musk kishte ulur pritshmëritë, duke thënë se mund të duheshin disa përpjekje përpara se Starship të ketë sukses në këtë fluturim provë, i cili duhej të arrinte shpejtësi të mjaftueshme për të hyrë në orbitë përpara se të spërkatej në Oqeanin Paqësor pranë Haëait.

Momenti i lëshimit dhe shpërthimit të raketës, u kap nga një satelit i motit, që menaxhohet nga Administrata Kombëtare Oqeanike dhe Atmosferike.

Në përpjekjet për të realizuar një fluturim të tillë, nuk dështoi vetëm anika Starship e SpaceX.

ABL Space Systems, një kompani me bazë në Kaliforni, tentoi nisjen e raketës së saj të parë në janar nga një port hapësinor në ishullin Kodiak të Alaskës.

Rreth 10 sekonda pas fluturimit, raportoi kompania, motorët e raketës RS1 u fikën, duke bërë që ajo të bjerë përsëri në vendin e nisjes, duke dëmtuar objektet dhe pajisjet.

Kompania tha se shkaku mund të ketë qenë një “zjarr i padëshiruar” brenda raketës që ka të ngjarë të ketë dëmtuar sistemet elektrike.