Deputetja e LDK-së në përkrahje të Ardita Sinanit pas shkarkimit nga detyra

Deputetja e Kuvendit të Kosovës nga radhët e Lidhjës Demokratike të Kosovës, Hykmete Bajrami ka dal në mbrojte të ish-kryetares së Komunës së Preshevës, Ardita Sinanit pas shkarkimit të saj nga pozita e kryetares.

Në një postim në rrjetin social Facebook, Bajrami është shprehur se në një vend ku shqiptarëve iu mohohet e drejta shkarkohet kryetarja grua e vetme në rajon.

“Në një vend siç është Serbia, ku shqiptarëve ju mohohet çdo e drejtë njerëzore, vendosin të bëjnë luftë politike mes veti dhe ta shkarkojnë të vetmen grua kryetare të komunës, në rajon” ka shkruar Bajrami.

Po ashtu Bajrami thotë se që nga sot Ardita do të jetë edhe më e fortë.

“Kushdo që ushqen ndasi të shqiptarëve qofshin ato edhe politike, sidomos në vendet ku ata nuk janë shumicë, veç mirë nuk është duke ju bë. Dukë e njohur Arditen, e di që ajo nga sot e tutje do të jetë edhe më e forte” thuhet më tutje në postimin e deputetes së LDK-së.

Sot gjatë ditësKuvendi Komunal i Preshevës ka shkarkuar Ardita Sinanin nga pozita e kryetares së kësaj komune.

Sinani nuk ishte e pranishme në seancën e sotme ku u mor vendimi për shkarkimin e saj.Shqiprim Arifi nga Alternativa Demokratike Shqiptare, është zgjedhur të hënën kryetar i Preshevës./Shqip.com