Data e finales së madhe dhe ndeshja për vendin e tretë në Kupën e Botës

Francë – Argjentinë. Edhe zyrtarisht kjo do të jetë finalja e madhe që do të luhet në kuadër të Kupës së Botës “Katar 2022”.

Derisa mbrëmë Argjentina siguroi kalimin në finale, të njëjtën gjë sonte e bëri edhe kampionia në fuqi e botës, Franca.

“Gjelat” zhvilluan sonte gjysmëfinalen e dytë të këtij botërori ndaj senzacionit të kësaj gare, Marokut.

Ndeshja që u zhvillua në “Al Bayt Stadium” i takoi skuadrës së Didier Deschampsit me rezultat të pastër 2:0.

Finalja në fjalë do të zhvillohet të dielën nga ora 17:00.

Ndërkaq, një ditë më herët, nga i njëjtin orar, luhet edhe ndeshja për vendin e tretë.

Në garë për këtë epitet janë Kroacia dhe Maroku.