Arrestohen tre persona në Veri, u kapën me drogë

Policia e Kosovës ka njoftuar se janë arrestuar tre persona në veri të Mitrovicës, njëri prej të cilëve kishte urdhërarrest aktiv në lidhje me një laborator droge.

Gjatë kontrollit të automjetit, janë gjetur sasi e dyshuar e kokainës dhe marihuanës.

“Me datën 23.11.2023 rreth orës 03:15, Policia e Kosovës, konkretisht Njësia Patrulluese e Stacionit Policor Mitrovicë-veri, gjatë angazhimeve të saj në garantimin e sigurisë dhe parandalimin e veprave penale, ka ndaluar për kontroll automjetin e tipit VW Golf, të cilën e drejtonte i dyshuari me iniciale m/s N. M.) dhe pasagjerë në automjet ishin të dyshuarit me inicialet (M. T. dhe D. J.) Pas ndalimit të automjetit nën dyshimin për posedim të substancave narkotike është kontrolluar automjeti dhe në të është gjetur sasi e dyshuar e kokainës dhe marihuanës.”

Janë informuar njësitet tjera relevante, përfshirë Antidrogën, Forenzikën dhe janë evidentuar dhe sekuestruar si prova materiale dëshmitë si në vijim:

 sasi e dyshuar e kokainës me peshë rreth 10 gramë,

 sasi e dyshuar e marihuanës me peshë 98 gramë,

 para (kesh) 83540 dinar të Serbisë dhe 205 euro dhe

 katër (4) telefona mobilë.”

Tre të dyshuarit janë dërguar në ndalim prej 48 orësh.

“Gjatë verifikimit të personave të ndaluar nga Policia e Kosovës ka rezultuar se i dyshuari me iniciale (M. T.) m/s, ka urdhër-arrest aktiv në lidhje veprën penale për narkotik/laborator droge. Në lidhje me rastin është njoftuar prokurori kujdestar dhe me aktvendim mbi ndalim për tre (3) personat e dyshuar është caktuar masa e ndalimit policor prej 48 orësh”.